منتدى الوسام للتربية والتعليم

منتدى الوسام للتربية والتعليم
 
الرئيسيةاليوميةس .و .جبحـثالأعضاءالمجموعاتالتسجيلدخول


شاطر | 
 

 جعل الله... لنا النساء فتنة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Iker Casillas

avatar


مُساهمةموضوع: جعل الله... لنا النساء فتنة   الأربعاء مايو 13, 2009 11:53 pm

شوفوا الفلم الاكشن
القصة تروى من شارع فلسطين كان اسم الفلم (جعل الله... لنا النساء فتنة ) فأعوذ بالله من فتنة النساء
<------------ -- اكشن
كانوا أربعه في سالف العصروالأوان المتنبي ، امرؤالقيس ، جرير ، الفرزدق
راكبين سيارة المتنبي ( كية ) وطالعين يتعشون فلافل طبعا امرؤ القيس ( شايبهم ) جان متضايق لأنه ما يحب طلعات الليل وچان يگول لهم خلينا نطلب العشا سفري و كل شوية يلمح الهم ويگول :
" ألا أيها الليل الطويل ألا انجلي *** بصبح وما الإصباح منكب أمثل"
بس الشباب مغلسين لان يحبون الدياحةبالربيعي عموما المتنبي ما چان منتبه ليش؟‍! لأن واحد من مخابيل زيونة كسر عليه بالسيارة وشمره على الرصيف انقهرالمتنبي بحيث اندارعلى الشباب وهو يعيط :
" من لم يمت بالسيف مات بغيره *** تعددت الأسباب والموت واحد "
بس الفرزدق و جرير ( اللي چانوا راكبين ورى ) ما چانوا دايرين بال تصورا جرير والفرزدق كاعدين شوية
أكيد دك جلاليق وبوكسات صايرة يمهم فجأه صارت صنطة استغرب المتنبي !! مو عادتهم
أثاري كاعد يصچمون شافو طرف عباية طالع من جمسي مضللة تحضرجرير (عاد هذا ما يحتاج له تحضر وقال :
" إن العيون التي في طرفها حور *** قتلننا ثم لم يحيين قتلانا "
وگام يتوسل بالمتنبي علمود يلحگ السيارة الجمسي
أحببتها..ارجو ان تدوس بانزين وتلحگ بها عاد المتنبي تعرفون شلون شايف نفسه رد عليه: ما بقت بس هاي أم العباية أنا المتنبي أنا الذي:
" الخيل و الليل والبيداء تعرفني *** والسيف والرمح والقرطاس والقلم "
تريدني ألحگ جمسي آسف أخوي تخيل شافنا أبو العتاهيه دنلحگ صاحبتك أم الجمسي شتفيدنا عيونها بعدين.!
زعل جرير وقفلت وياه وراد يتعارك ويا المتنبي و لأول مره في تاريخ الشعر العربي يتفق جرير و الفرزدق على نقطة معينة وقام الفرذدق يحاول بالمتنبي و جيبة جيبة مدح وتكبير راس بالمتنبي بحيث كبر راسه گام مايگدر ينزع الجبة مالته
" هذا الذي تعرف البطحاء وطأته *** والبيت يعرفه والحل والحرم "
حتى وصل بالمدح الى...
" ما قال لا قط لا... في تشهده *** لولا التشهد.. كانت لاؤه نعم "
بالأخير انفخ راس المتنبي و قرر يلحگهم واشتغل الطراد طبعاً امرؤ القيس راكب گدام چان مكبر راسه من جهة البنات بس چان عاجبه الجمسي مالتهم ( جمسي موديل 2004 يداعب الريح ) وگعد يتغزل بالجمسي:
" مكر مفر مقبل مدبر معا *** كجلمود صخرحطه السيل من عل "
المهم..بدا الجمسي يبعد عن الشباب بدا جرير يستهزئ بعزم الكية ويكول للمتنبي:
" على قدر أهل العزم تأتي العزائم *** وتأتي على قدر الكرام المكارم "
قفلت وية المتنبي وقال للفرزدق : ما ألومك ويا هذا الغثيث والله أعذرك تكرهه الله يلوم اللي يلومك گال الفرزدق للمتنبي بدل على الخامس ابوالشباب
ردها المتنبي بالخامس ودوووووووووووس وبقدرة قادر صادوا الجمسي يم الفدائيين سابقا بداية الربيعي وكف بالاشارة يم الجمسي و گال المتنبي لجرير :
يالله شوفنا شطارتك رد جرير : اعتبر الموضوع منتهي حبيبي اني مصادق كل بنات مجمع ابوسفيان التجاري انظر وتمعن اشر جرير للبنات نزلو الجامة
عاد البنات ما صدگوا خبر أول ما أشر جرير فتحوا الجامة واجاهم البوري ترس !! طلعوا شلة جگمات الشباب انصرعوا من هول المفاجأهعاد البنات تحطموا من شافوا ردة الفعل و گاموا يحچون عليهم جرير چان أكثر واحد متأثر فصار يرد ويگول الهم :
"فغـضي الطــرف أيتها القبيحه*** فلا باسكال بلغتي و لا فطومه "
"يامشي درب الزلق لاتمن الطيحة***اغربي عن وجهي ايتها البومه"
طبعا الوضع صار مكهربب السيارة -- طبعا مكهرب على المولد مو الوطني بهذا الوكت قال امرؤ القيس: والله أنى گايلها : موضوع بيه غزل و وحبچيات اكيد ابو نؤاس يجي أول واحد رد الفرزدق : شوف ابو نؤاس هذا المصلحچي جايب وياه عنتره فزعة وكت المشاكل

في الجهة الأخرى
چان عنتره يتفيك يم البنات و طالع من فتحة الكامري وهو يگول للبنات
" و لقد ذكرتك والرماح نواهل *** مني وبيض الهند تقطر من دمي
فوددت تقبيل السيوف لأنها *** لمعت كبارق ثغرك المتبسم "
ضاق صدر المتنبي بدون سبب وگال لشباب : ياناس والله قهر حتى هذا الغراب كام يغازلوبدون مقدمات فتح المتنبي الجامة و گال لعنتره :
" لا تشتريِ العبد الا و العصا معه *** إن العبيد لأنجاس مناكيد "
عنتره سمع المتنبي وچان رأسا يحترگ دمه عاد أبو نواس حاروگه من يومه نيشن البنات ولحگهم بدون ما يگول اله عنتره و گام ابو نواس يدوس بانزين ويكول : اوگف مسوي نفسك سبع
يوم جا الجد انحشتوا ولا صحيح " كلام الليل يمحوه النهار "
لكن المتنبي اشر لهم وگال الهم الوعد يم بلو سكاي في هذه اللحظة أبو نؤاس گال لعنتره : هم اربعة وحنا اثنين ( و البيكب مالتنا ما تكفينا) و أحيانا الكثرة تغلب الشجاعه گال له عنتره : معليك انت بس روح ركض لباب الشرجي تلگي واحد بس يعرف اكو عركة يجي ميصدگ قال ابو نواس : منو ?
رد عنترة : منو غيره السنايدي .. تأبط شرا گال ابو نواس : عزة بعيني -- راحوا الويلاد بس المشكله انه من دگوا على تأبط شرا لگوا موبايله خارج منطقة التغطية صرخ عنتره : عااااااااا لقد انلاصت علينا.!! رد ابو نؤاس : لم تنلاص ولا هم يحزنون تأبط شرا دائما يجلس في ديوانية أبوتمام دگ عليه هناك دگ عنترة على الديوانية عنتره: هااااي أبو تمام: وعليكم الهاااي مرحبا عنترة : عندك تأبطشرا أبو تمام : شنو !! عنترة: يا حبيبي وبعد عمري تعال الحگني الموضوع هيچ وهيچ تجون لو..لا ؟؟ أبو تمام :
" السيف أصدق أنباء من الكتب *** في حده الحد بين الجد واللعب
هنا بعد تصير رعب ودم وبس للكبار فاني ما اگدر اكمل لكم ميصير
للأمانة منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الشعراء
عضو مميز
عضو مميز
avatar


مُساهمةموضوع: رد: جعل الله... لنا النساء فتنة   الخميس مايو 14, 2009 4:17 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الطائي
المدير العام
المدير العام
avatar


مُساهمةموضوع: رد: جعل الله... لنا النساء فتنة   الجمعة مايو 22, 2009 3:21 pm


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جعل الله... لنا النساء فتنة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الوسام للتربية والتعليم :: قسم الترفيه :: المنتدى الطلابي-
انتقل الى: